العنوان : ياعصفور دخلك اسأله.. 
آه ياعصفور
واقف عشباكي...ما أجملك
بتزقزق ...بتنادي
بتقلي كلا شويي
والفجر جايي
راح المسا وليكو فل
وخيوط الفجر معك جايي
خلصت السهرية
رح لملم وراقي
كلماتي وحروفي
رح لملم دموعي
رح لملم حكايات للقمر شو حكيتا
رح لملم ذكرى
كل ليلة برجع عيشا
دخلك ياعصفور
لاتتركني وتروح
غطى العتمة نور
لاتتركني متل القمروتفل
معك إنت والقمر
عم يحلالي السهر
عم عيش مع الذكرى
عم اسقي الحزن
دمعي اللي مابينسى
شو ذنبي ياعصفور
دخلك إنت قلي
عشقت....حبيت وصدقت..
هيدا كل ذنبي
وبعدني ياعصفور مافيي لا إنسى
لا ولا إقسى
ولا فيي متلو أنا جافي
خبرني ياعصفور
دخلك شو ذنبي؟؟
بليلة شتوية...عرفته حبيته
وعم بتمر الليالي
صارت بعمري سنين
وبعدو لحبو قلبي
وفي ومابينسى
وليكو قرب الشتي
هو كمان يفل
وياخد مني ليالي
فيا حليلي السهر
رح يفل ويتركني
يروح ومايتركلي
غير برد غيابو عني
وبتعرف ياعصفور
كل لحظة من غيره مالا طعم ولا لون
باردة لياليي من غيره
دخلك ياعصفورعني اسأله
لو مريت عباله شي يوم
شو بيحس دخلك تسأله؟؟
إسأله من غيري كيف عايش؟؟
فرحان..؟ تعبان...؟
دخلك اسأله بيتذكر ليالينا؟؟
دخلك ياعصفور منه جبلي جواب
مليت من الحزن
وحن للفرح قلبي
قله ياعصفور بعدو بالقلب ساكن
ووين ياعصفور هو مسكني؟؟
دخلك تسأله...!!
ولاتنسى ياعصفور عني تبلغه
تقرب منه..
وبداينته تقله
تحكيله...تهمسله
قديش أنا بحبه...
رد مع اقتباس
المشاركة الأصلية كتبت بواسطة صوت الإيمان
