شُبيك لُبيك

[بن مهيوب]

شُبيك لُبيك


لقيت الفانوس مرة ودعكته
طلعلى عفريت قاللى شبيك لبيك

قلت خلاص الذل أنا ودعته
ويا عفريت بالطلبات هاهريك

قالى هأوأو يا إنسان
دانا العفريت بن الجان

ما يهمنيش مكان وزمان
واطلب وعندى البرهان

قلتله عاوز قمح زُرع فى مصر
ومسؤولين يبطلوا فشر

وحكومة متحصرنيش عصر
ومرتب يسترنى لآخر الشهر

وعاوز عيش بدون طوابير
وحكومة ضد التبذير

وانتخابات من غير تزوير
ورئيس سابق أشوفه كتير

وعاوز فى بيتى كيلو دقيق
وسبب مقنع لأىحريق

ومجلس شعب بدون تصفيق
وفى كأس العالم لينا فريق

وعاوز أزور شرم الشيخ
وصباعين كفتة اللى فى السيخ

وأشرب مرة عصير بطيخ
وأخرج من القسم بدون تلطيخ

ونفسى الضحكة ترجع تانى
وحتة لحمة كندوز أو ضانى

وجنيه مصرى زى البرانى
ورصيف للمشى أنا وخلاّنى

رد العفريت عليا بغشم
وقال يا مصرى ماكنش العشم

بص.. أنا ممكن أنقلك الهرم
واسدلك الأوز ون اللى اتخرم

وأ رجعلك الأكل اللى اتهضم
وأعملك بقرة من الغنم

وأعملك قصر من العدم
وأقولك معنى شرم برم

بس طلباتك طلبات ملموس
عقله خلاص أكله السوس

ده تخطيط يا بنى ومدروس
إنك تعيش على طول موكوس

وأحنا بناخد منكوا دروس
إزاى نخلى العفريت متعوس

ويا رب ترجعنى تانى الفانوس
وزى بعضه أعيش محبوس

بدل ما أخرج واتبهدل زيك
وأعيش موكوس على متعوس

[صوت الإيمان]

إقتباس   المشاركة الأصلية كتبت بواسطة بن مهيوب

وأحنا بناخد منكوا دروس
إزاى نخلى العفريت متعوس

ويا رب ترجعنى تانى الفانوس
وزى بعضه أعيش محبوس

بدل ما أخرج واتبهدل زيك
وأعيش موكوس على متعوس

ما رأيك أستاذي أن أبعث له أمنيات الشعب
العربي بأجمعه
لعلّه ينتحر , أو يقسم على عدم الخروج
من الفانوس مرة ثانية !!

ويا رب ترجعنى تانى الفانوس
وزى بعضه أعيش محبوس

التعليم متبادل يا ( عفريت ) بيه
أنتم تتعلّمون منّا كيف يكون ( العفريت )
متعوساً , والشعب العربي يتعلّم منكم
كيف يظلّ المواطن محبوساً ؟!
خلّيها على الله يا ( عفريت ) !!


الأستاذ الفاضل
" ابن مهيوب "

أهلاً بك بالقسم الأدبي . قدّم أستاذنا
أمنياتك قبل أن أقدّم له عريضتي .

شكراً لإمتاعنا بهذا النص الساخر الناقد
تقديري واحترامي .



" صوت الإيمان "

[بن مهيوب]

إقتباس   المشاركة الأصلية كتبت بواسطة صوت الإيمان

ما رأيك أستاذي أن أبعث له أمنيات الشعب
العربي بأجمعه
لعلّه ينتحر , أو يقسم على عدم الخروج
من الفانوس مرة ثانية !!





التعليم متبادل يا ( عفريت ) بيه
أنتم تتعلّمون منّا كيف يكون ( العفريت )
متعوساً , والشعب العربي يتعلّم منكم
كيف يظلّ المواطن محبوساً ؟!
خلّيها على الله يا ( عفريت ) !!


الأستاذ الفاضل
" ابن مهيوب "

أهلاً بك بالقسم الأدبي . قدّم أستاذنا
أمنياتك قبل أن أقدّم له عريضتي .

شكراً لإمتاعنا بهذا النص الساخر الناقد
تقديري واحترامي .



" صوت الإيمان "

هه

مسكين العفريت اختنا الفاضلة الشاعرة صوت الايمان رثيت لحاله سينتحر حتما

خالص تحياتي وفائق احترامي

[jerusalem]

ههه

هو الانتحار يمكن يكون ارحم من كلباتك يا غالي

لا وايه كله كوم ورئيس سابق كوم تاني

انت ناوي على ايه يا باشا ؟؟؟؟؟

اللهم احفظ رؤساءنا من حسد الحساد

ههه

لقي بقى

[بن مهيوب]

إقتباس   المشاركة الأصلية كتبت بواسطة jerusalem

ههه

هو الانتحار يمكن يكون ارحم من كلباتك يا غالي

لا وايه كله كوم ورئيس سابق كوم تاني

انت ناوي على ايه يا باشا ؟؟؟؟؟

اللهم احفظ رؤساءنا من حسد الحساد

ههه

لقي بقى

ههه

مين هناك .......... َ!!!؟؟؟

يوسف

انت فين يا راجل وحشتنا والله

يا طولت الغيبة يا احنا مش واخذين بالنا

اللهم احفظ رؤوسنا معهم يا غالي

هو نادي فين على فكره ياناس اللي يلقاه يسلم عليه ويقول له يسلم على الجماعة في كفر الحطبه

ههه

تحياتي يا غالي