لو سألنا السؤال ده لشخصيه فى الحزب الوطنى

هيقولك اكيد فى بطاله لكن ده شىء عادى وجميع دول العالم فيها بطاله حتى امريكا فيها بطاله وبعدين الشغل

 موجود بس مفيش حد بيدور والشباب عاوزين الشغل يجى لحد عندهم وكل واحد عاوز يقعد على مكتب

 ويشتغل مدير

لكن لو سألنا شخصيه فى احد الاحزاب الغير معروفه لنا حتى الان ومش عارفين لها برنامج

 هيقولك ممكن يكون فيه مشكله لكن الحكومه بتبذل مجهود كبير فى حلها والشباب لازم يدور على شغل مش

 لازم فى التخصص بتاعه ممكن يشتغل فى اى حرفه مش لازم يسستنى لحد ما الحكومه تجيب شغل

لو سألت واحد من الاخوان هيقولك الاسلام هو الحل

وفى فساد كبير فى الحكومه والحل هو المنهج الاسلامى وتطبيق الشريعه وسوف تحل كل المشاكل بأذن الله

طبعا كلام جميل

لكن دلوقتى اللى عاوز اعرفه رأيك كمواطن حاسس فعلا ان فى مشكله بطاله

طيب لو شايف ان فى مشكله ياترى ايه الحل ؟؟؟؟؟؟؟؟

 ننتحر ولا نسيب البلد ونهاجر ولا نعمل ايه؟؟؟؟؟؟؟؟

تحياتى

المشهد الأول:

«يظهر رضا وحلمي في مكان مظلم بالمقطم»

حلمي: إنت ضارب جدر غويط ليه ما تدلدل السعر شوية

رضا: إنت بتتكلم في الورقة هتمتحن فيها بكرة.. يعني مش هتوجع قلبك في مراجعة نهائية ولا توقعات مرئية

حلمي: «يعطيه شنطة بها نقود»

رضا: لو فلوسك طلعت مضروبة هجيبك بالبلوتوث.. مش أنا اللي يتلعب علي قفايّ كونّكت فوراً.

حلمي: عيب تخربش في ذمتي..الفلوس دي من خير مطابعنا في البنك المركزي

قطع

المشهد الثاني:

«يظهر رضا في الشارع ويتجه نحوه متسول»

المتسول: لله يا بيه..عايز أجيب وجبة من هارديز

رضا: «يعطيه من النقود التي أخذها رشوة من حلمي» الزكاة فريضة برضه!

قطع

المشهد الثالث:

«يجلس حلمي في الامتحان ناظراً إلي ورقة الأسئلة بطرف عينيه في كبرياء..بينما يجلس باقي الطلاب في ذعر»

حلمي «لطالب ينظر إليه في دهشة»: إيه مالك..عمرك ما شوفت واحد متفوق وجهاً لوجه؟

الطالب: هو إنت جاي تمتحن ولا تهدي أعصابك!..الناس كلها بتخر عرق وإنت كإنك قاعد في أرض الجولف

المراقب: «للطالب» بص ياد قدامك بدل ما أقطعلك ورقتك وأعملها زينة للسقف

قطع

المشهد الرابع:

«يشعر المتسول بمغص شديد من الساندوتشات التي اشتراها بنقود رضا»

قطع

المشهد الخامس:

«يظهر رضا في القطار وتجلس أمامه فتاة تسمع أغاني علي الموبايل»

رضا: «للفتاة» ممكن تلمي الصوت ناحية ودنك يا آنسة ولا ضروري تاخدي ودني معاكي عامل مشترك؟

الفتاة: ما القطر كله مشغل أغاني ولا يعني الكحكة في إيد اليتيم عجوة

رضا: يظهر إن كرم الأخلاق مالوش صدا صوت..اطفي الموبايل بدل ما أقلبهولك طفاية سجاير

الفتاة: شكلك واخد قلة الأدب مستوي رفيع عشان تحسّن مجموع

رضا: أنا مافيش حاجة بتتحرك فيا غير لساني.. ومع ذلك لسه ما فكيتش التنية اللي فيه

الفتاة: إنت آخرك ترفع إيدك عشان تاكل بيها

«تشتد المعركة ويقوم لص بسرقة شنطة نقود رضا وتبديلها بأخري لونها أبيض..رغم أن الشنطة سوداء»

قطع

المشهد السادس:

«ينهي حلمي الامتحان في ربع الوقت ويخرج من اللجنة.. وبعد وصوله المنزل يكتشف أنه أخذ معه ورقة الإجابة»

قطع

المشهد الثامن:

«يظهر المتسول تحت الكوبري وهو يتقيأ»

قطع

ايهاب الدسوقى 

حدثنى احد اصدقائى عن اخواننا فى فلسطين وقال لى مستنكرا

ما مهم فيه من فرقه (المفروض اى بلد لما يحصل فيها ازمه ما يكونش فيه احزاب ولا جماعات تتوحد قواهم علشان يعالجه الازمه)

كلام جميل….

ولكنه جعلنى اتسأل عن ظاهره تعدد الاحزاب والجماعات هل هى تشكل خطر ام هى ظاهره صحيه؟

انا برأى الشخصى ارى انها ظاهره صحيه وليس من الممكن ان تمحى

لسبب بسيط وهو اختلاف الشخصيات لدى الافراد

واختلاف البيئه التى تربوا فيها ومستويات التعليم وانواعه من لغات / دينى / حكومى/ خاص

الى غير ذك من الاسباب التى تؤثر فى شخصيه الفرد وثقافته

ولكن هذه التعدديه ترتبط مدى صحتها وتكتمل فائدتها بوجود الحوار وتقبل الاخر

وان يكون هناك شىء من المرونه فى التعامل مع االاخر والاستعداد لسماع وجهه نظره

وايضا الاعتراف بوجهه نظره الصحيحه اذا اقتنع بها

كما يجب ان يكون هناك هدف اكبر متفق عليه وهو مصلحه البلاد والرغبه فى الوصول بها الى

الافضل فيجب ان يكون هذا هو الاساس فى الحوار

وبعد ذلك قد نختلف فى سبل الوصول بها الى الافضل

ولكن الهدف الاكبر سوف يدفعنا فى النهايه الى حل وسط لنتفق وقت الازمه

تحياتى

 اصل مراتي قررت تعاقبني ، وحلفت ما هي مكلماني شهر بحاله

!
- يا راااجل ….. وهي دي حاجة تزعل ؟؟

- اصلك مش عارف

.
- ايه ؟؟

- النهارده اخر يوم في الشهر…..  

طبعا احنا جايين نهدى النفوس

الكلام ده  لا ينطبق بالتأكيد على كل النساء

بس ده ممكن يكون موجود فى بعض البيوت

عندما يغيب الالتزام بتعاليم ديننا وأوامره

فتفقد الحياه جمالها وما بها من حب وتظهر

فيقول الزوج :

لازم تفهمي يا هانم ان لولا فلوسي ما كنش عندك الفساتين دي كلها

الزوجه: لازم تفهم يـا باشا ان لولا فلوسك ما كنتش انا هنا

دى حاجات كدا بتحصــل كل يوم

حملة نسائية ضد الذكور في المدونات

وتتبني الحركة، فتاة تسمي نفسها “فانتاز ورلد ” وتوجه دعوة للوقوف ضد المجتمع الذكوري الذي ينظر للمرأة من منظور جنسي بحت وتطالب جميع الفتيات والسيدات بشطب كلمة مزة من قاموس العامية المصرية ووقف استخدام هذه الكلمة البذيئة

وتجاوب العديد من الفتيات مع الحملة فتقول إحدي عضوات المدونة من الاستخدام الحالي لبعض الكلمات لا علاقة له بالطبقة الاجتماعية وتوضح انها أصبحت كلمة دارجة علي ألسنة الشباب المصري وأصبح يستخدمونها في أي حديث عام والتصقت بالفتيات والبنات وأصبحت بديلة عن كلمة سيدة أو بنت ولم تعد الكلمة تصنف ككلمة إباحية رغم انها تصنف كنوع من التحرش اللفظي.

ووجهت الحركة نداء الي كل مصرية لعدم دفن رأسها في الرمال لأن هذا يزيد ضعفها ويقلل احترامها وتتحول لمجرد جسد وتطرح قائدة الحملة بعض الاسئلة من قبيل : هل يمكن ان تطالب المرأة بحقوقها أو ان تصل الي مناصب قيادية وهي مجرد أنني بينما وصف البعض الآخر هذه الحملة بالجنون وعلي مائدة المدونات كان الصراع علي أشده بعد ان تصدت المطلقات للحملة الذكورية الالكترونية التي قادها مجموعة من الشباب رافعين شعار ” لا زواجمن مطلقة ” قائلين فيها الجديد أفضل من المستعمل دائماً وتدعو الرجل الي ان يفكر في امرأة لم يسبق لها تجربة الزواج علي أساس ان البضاعة المباعة لا ترد ولا تستبدل ، واتبع أعضاء هذه الحركة علي الانترنت لغة تحاورية غير لائقة أو مهذبة ، وكان للمطلقات حق الرد بنفس الوسيلة الالكترونية رافعين شعار : مطلقة ولم أخجل ولن اخجل ، مؤكدين ان لكل امرأة ظروفها الخاصة التي تدفعها الي الطلاق ، اضافة الي ان الله تعالي لم يجرم الطلاق لكنه أبغضه، ولكن هذه الحملة واجهت العديد من التعليقات العنيفة والتي تحمل كثيرا من الاساءة للسيدات المطلقات حيث دعا بعض من الشباب الي انشاء “جروب “ضد المطلقات وفضحهن

تحياتى

قالوا عنى أنى بخيل !

قالوا عنى انى بخيل فهل تصدقون ؟

ربما تصدقون وربما لا

والسبب أنكم لا تعرفونى

ولكن ماذا لو قلت لكم أن من قال لى هذا هم أخوتى وعائلتى أظنكم سوف تصدقون

ولكنهم لم يقصدوا بخلى على الناس فأنا لا أبخل على غيرى بشىء بل أتمنى أن يأمرنى

الناس بأى شىء او مساعده لكى اقوم بتنفيذه دون تردد فأنا أعلم جيدا أن من كان فى حاجه أخيه

كان الله فى حاجته

ولكنهم قصدوا بخلى على نفسى بمعنى أنى لا أشترى الملابس الجديده دوما

لا أشترى بيبس من غير سكر طبعا انتم عرفين السكر غالى

لا أشترى سندوتش من الحجم  الطويل اكيد طبعا مش عارف ايه اللى فى السندوتش من جوه

بعد اللحمه اللى جات فى البيت بيتك  هههه…….الخ

ربما هذا ما يرونه هم ولكن ماذا أرى أنا ؟

أنا ارى ان عائلتى تتعب لأجلى فهم من يوفروا لى هذه الاموال

فأرى هذه الاموال على انها أمانه يجب أن أحافظ عليها

فإن أخذت مصاريف للكليه أو لشراء الكتب فيجب أن أدفع هذه الاموال للكليه او الكتب أو المواصلات

ربما لو كنت اعمل واحصل على راتب لغيرت من معاملتى تجاه نفسى

وهذا ما أعمل عليه وأفكر فيه ففى أجازه الصيف الماضى عملت لبعض الوقت فى أحد المصايف

وفى اجازه هذا الصيف أفكر فى مشروع أو أثنين الى أن يقدر لى الله الخير بأذن الله

فهل أنا بخيل؟  

إن عنواني هو اللامنتظر …

مبحرا كالسمك الوحشي في هذا المدى

في دمي نار .. وفي عيني شرر

ذاهبا أبحث عن حرية الريح،

التي يتقنها كل الغجر..

راكضا خلف غمام أخضر

شاربا بالعين آلاف الصور

ذاهبا .. حتى نهايات السفر ..

مبحرا .. نحو فضاء آخر

نافضا عني غباري

ناسيا اسمي …

وأسماء النباتات ..

وتاريخ الشجر..

هاربا من هذه الشمس التي تجلدني

بكرابيج الضجر ..

هاربا من مدن نامت قرونا

تحت أقدام القمر ..

تاركا خلفي عيونا من زجاج

وسماء من حجر ..

ومضافات تميم ومضر ..

لا تقولي : عد إلى الشمس .. فإني

أنتمي الآن إلى حزب المطر..

قصيدة لنزار قباني

كتير مننا له اصدقاء لكن اعتقد ان كتير مننا لم يضع اسس لهذه الصداقه

ممكن الاسئله دى تسعدك انك تضع اسس لهذه الصداقه

بس ياريت تجواب بصوت عالى علشان كلنا نستفيد “طبعا فى التعليق”

هل تعتقد بوجود فرق بين الصاحب والصديق؟ وان كان هناك فرق فما هو؟

هل تتخذ اي شخص صديق ام هناك اسس وقواعد لذلك؟وان كانت هناك اسس وقواعد فما هي؟

هل تولي ثقتك الكاملة لصديقك ام تعطيه جزء منها؟ولماذا؟

هل هناك عدد معين من الاصدقاء يجب التوقف عنده؟

من برأيك اقرب الصديق ام الاخ؟ ولماذا؟؟

هل تجعل صديقك في اختبار دائم ام تحدد وقت لذلك ؟/

حين تتعرض لخيانة الصديق فعلى من تلقي اللوم عليه ام على نفسك ام على من؟